LAOAG CITY – Nakasaganan ti Ilocos Norte Police Provincial Office a mangipaay ti seguridad para intono Undas ditoy Ilocos Norte.
Daytoy ti inbatad ni Police Col. Joemar Labiano, ti Provincial Director iti Ilocos Norte Police Provincial Office.
Segun ken ni Labiano, tinawen nga adda ti Undas isut gapuna nga adon dagiti naadal ti nailian a pulisya mainaig iti epektibo a panangipaay ti seguridad iti intero a probinsya.
Inpakaammo na a katulungan da pay a mangipasigurado ti seguridad ditoy probinsya kabayatan ti “Oplan Kaluluwa” dagiti nagduduma nga ahensya ti gobierno kas ti Bureau of Fire Protection, Disaster Risk Reduction and Management Council, Philippine Army, Philippine Coastguard ken dadduma pay.
Innayon na nga addan to met dagiti iparuk-at da a pakdaar mainaig kadagiti mabalin ken saan a rumbeng nga itugot iti panagturong iti kamposanto.
