LAOAG CITY – Maladingitan dagiti kameng ti Ilocos Norte Police Provincial Office iti pannakapalto-paltog a nakatayan ni Retired PNP Gen. Marlou Chan idiay Brgy. Nalsian, Calasiao, Pangasinan.
Basar iti inisyal nga imbestigasyon, bayat a nakalugan ti biktima iti pick-up truck ket pinalto-paltogan dagiti riding in tandem suspect.
Naideklara a dead on arrival ti retirado na heneral iti Villaflor Dagupan Doctors Hospital.
Iti agdama, agtultuloy ti naun-uneg nga imbestigasyon ti PNP tapno mabigbig dagiti suspek ken maamoan iti motibo iti nasao a krimen.
Nagserbi ni Chan kas Provincial Director iti INPPO sipod idi tawen 2010 agingga idi 2013.
