LAOAG CITY – Inlawlawag ni Police Col. Joemar Labiano, ti Provincial Director iti Ilocos Norte Police Provincial Office no apay nga agsasaruno dagiti maiwaywayat nga Anti-Illegal Drug Buy-bust Operation kadagiti nagduduma nga ili ken siudad ditoy probinsia.
Segun kenkuana, dagiti kangrunaan a matiltiliw da ket Street Level Individual wenno dagiti naggapu iti pagbaludan a naglabsing iti Republic Act No. 9165 wenno ti Comprehensive Dangerous Drugs Act of 2002.
Inbatad na a ti met laeng nagibutaktak kadakuada ket dagiti kakadua dagiti suspek nga agar-aramid iti iligal nga aktibidad, rason nga adda dagiti maiyuswt a follow-up operation kontra kadagiti drug personality.
Innayon na a rumwar sumrek dagiti turista ditoy probinsya rason nga agtultuloy ti panangpaiget da ti anti-illegal drug operation.
