LAOAG CITY – Ur-urayen ti Bureau of Fire Protection ti pannakisarita da kenni Dr. Francis Dacuycuy iti Laoag City General Hospital (LCGH) seknan ti pannakaisayangkat ti inspeksyon ti nasao a balay pagagasan.
Daytoy ti inbatad ni Fire Chief Inspector Roxanne Parado iti BFP Laoag.
Segun kenni Parado, idi nagpasyar da iti nasao nga ospital ket nakasarita da ti care taker ti LCGH ken nagkiddaw da ti permisyon tapnu agisayangkat ti fire safety inspection.
Nupay kasta, nagkedked ti nasao a care taker a palubusan dagiti kameng ti BFP ken nadakamat na a kasapulan ti pammalubos ti head ti ospital seknan pay laeng ti nasao nga inspeksyon.
Inbatad ni Parado a manamnama a makisarita isuna kenni Dacuycuy intono bigat, Enero tres ta isu ti panagsubli ti nasao a doktor.
Inpanamnama na a mainspeksyon ti nasao a balay pagasan iti kabiitan a panawen.
