LAOAG CITY – Inrakurak ti Bureau of Fisheries and Aquatic Resources (BFAR) a mangirubuat ti pilot study ti ahensia a mangipaay ti insurance coverage kadagiti mangngalap a naapektaran ti didigra.
Segun ken ni Bureau of Fisheries and Aquatic Resources Spokesperson Nazario Briguera a dandanin a mairubuat ti weather index-based parametric insurance kas kanayunan a tulong para kadagiti naapektaran a mangngalap.
Inbatadna a dinisenio ti Bureau of Fisheries and Aquatic Resources ken ti Philippine Crop Insurance Corporation, kaduana ti Rare Philippines ken WTW a dati a Willis Towers Watson, ti scheme ket gagemna a mangited ti financial buffer kadagiti munisipal a mangngalap iti panawen a marigatanda iti panagbiruk gapu kadagiti didigra gubuay iti dakes a panawen.
Maysa a pakpakauna a 10 a milyon a pisos a pundo ti nailatang iti babaen ti 2024 budget ti Bureau of Fisheries and Aquatic Resources tapno marugian ti panagadal.
