LAOAG CITY – Natay ti intelligence chief ti Ecuador ken ti asawa na kalpasan a nagswek ti nagluganan da nga helicopter idiay Kenya.
Ni Michele Sensi-Contugi ken ti asawa na a ni Stephany Hollihan ket karaman kadagiti pito nga indibidual a pimmusay idi napasamak ti insidente iti Samburu county.
Naamoan a dagiti lima pay a biktima ket agpapada nga amerikano, maibasar iti pannakangiwat ti US State Department.
Inbatad ti Kenya Civil Aviation Authority (KCAA) a ti helicopter ket adda iti nasayaat a panagtayab manipod iti wildlife conservancy iti Loisaba nga agturong iti Ewaso Nyiro, ti karayan nga agayos iti sumagmamano a national reserves.
Ti Samburu county ket nalatak a tourist destination ken addaan ti naruay a private wildlife conservancies ken pagdidinnamagan gapu iti naidumduma a buya ti dagana.
Saan pay a nangipaay ti Ecuador ti naan-anay a detalye mainaig iti pannakatay ni Sensi-Contugi, agtawen ti 44, nadutukan kas director general ti Strategic Intelligence Center idi 2024.
