LAOAG CITY – Napaay ni Lionel Messi ken ti koponan daytoy nga Inter Miami iti umuna a round pay laeng ti Major League Soccer (MLS).
Daytoy ket kalpasan nga abakenda ti number 9 nga Atlanta United iti bukudda nga home court iti best-of-three series.
Immuna a nakairekord ti goal ni Miami Midfielder Matias Rojas iti uneg ti 17 minuto.
Dagus met a nakasubbot ti Atlanta ken nagsaruno a naiserrek dagiti dua a goals.
Naitabla ni Argentine superstar Messi ti ay-ayam iti 2-2 iti uneg ti 65 minuto iti kaunaan a goal iti playoffs.
Alisto a nakasubbot ti Atlanta iti babaen ni Bartosz Slisz a nairekord ti panangabak iti 76th minuto.
Makalaban ita ti Atlanta United ti Orlando City iti Eastern Conference semfinals.
