LAOAG CITY – Nagpanawagan ni Transitional president Lt. Col. Paul-Henri Damiba iti Burkina Faso iti pannakaiyuswat ti naun-uneg nga imbestigasyon tapno maamoan ti pakabuklan dagiti nadadael kabayatan ti military coup idi Enero 24 ita a tawen.
Kinumpirmaran ni Damiba a dua a sibilyan ti natay idinto a dinosdosena a sabsabali pay ti nasugatan gapu iti naiwawa a bala kabayatan ti panangagaw iti turay ti military.
Gapu iti daytoy, inbilin ni Damiba a masapol a maipaayan ti tulong ti pamilya dagiti biktima.
Inpakaammo ni Damiba a ti babai a maysa kadagiti nasugatan ket saan pay a naikkat ti nailumlum a bala iti bara na.
Maipalagip a nagsapa laeng ni Damiba idi Pebrero 16 ita a tawen kas interim president no sadinno nga inkari na nga aramiden na amin a kabaelan na tapno maikkan ti hustisya dagiti amin a residente iti Burkina Faso.
