LAOAG CITY – Ginutigot ti Department of the Interior and Local Government (DILG) dagiti Local Government Units (LGU’s) ditoy pagilian nga ad-adda a paigetan ti iwaywayatda nga inspeksyion tapno naan-anay a maipasardeng dagiti operasion dagiti iligal a Philippine Offshore Gaming Operations (POGO) ditoy pagilian.
Inbatad ni Interior Secretary Jonvic Remulla, nasken a pasayaaten pay dagiti Local Chief Executives ti trabahoda ken paigetanda pay dagiti iwaywayatda nga inspeksion iti amin a pasdek ken imprastraktura kadagiti lugarda.
Inlawlawagna nga agsungbat dagiti personalidad a nangiwayat ti inspeksion kadagiti buildings ngem saanda a nag-report maipanggep kadagiti operasionda.
Immuna iti daytoy, nangiparuk-at ti warning ni Remulla kadagiti otoridad nga isu ti nang-raid iti maysa a pasilidad iti Barangay Tambo idiay Paranaque City idi Enero 8 nga isu ti maitudtudo a pagumokan kadagiti investment scams basar iti National Bureau of Investigation (NBI).
Kabayatanna, maysa kadagiti nagbalin a direktiba ni Remulla kadagiti Local Government Units a makikoordinar iti Philippine National Police (PNP) para kadagiti inspeksion dagiti hidden Philippine Offshore Gaming Operations operating hubs.
