LAOAG CITY – Naiyuswat ti candle lighting iti sango ti kapitolyo probinsyal para iti HIV/AIDS Awareness idi kalman.
Segun kenni Mr. Jurgen Rapacon, presidente ti Philippine Nurses Association – Ilocos Norte chapter, tinawen a maiyus-uswat ti International AIDS Candle Light Memorial iti kada maikatlo a Domingo iti bulan ti Mayo.
Kuna na a makipaspaset d kadagiti nagduduma a siudad, wenno probinsya para iti tinawen nga AICM para iti pannakalagip dagiti biktima iti nasao a sakit ken iti agtultuloy a pananglaban da kontra ti sakit nga AIDS.
Inbatad ni Rapacon nga indauloan ni Governor Matthew Marcos Manotoc, HIV/AIDS Council, Mariano Marcos Memorial Hospital and Medical Center, Ilocos Norte Medical Society, Carmeli Clinic, ken dagiti nagduduma nga LGBTQIA group iti nagduduma nga ili ken dua siudad ditoy probinsya, ti nasao nga aktibidad ken nagpatingga iti alas-diyes ti rabii gapu kadagiti pagalagadan ti General Community Quarantine ditoy siudad.
Innayon na a naiyuswat daytoy babaen iti Zoom ken Facebook kas panang surot kadagiti protocols.
