LAOAG CITY – Balligi a naisayangkat ti kaunaan nga International Conference on Prairie and Indigenous Knowledge in Agriculture, Education, Culture and the Arts and Health iti Teatro Ilocandia ti Mariano Marcos State University iti Siudad ti Batac.
Indaulwan ni David Bruce Hartman, Ambassador of Canada to the Philippines kas key note speaker iti nasao a programa.
Segun ken ni Dr. Marlowe Aquino, Director ti Planning and CHED-IKSCM Program Leader, maysa kadagiti naipangpangruna a naitandudu ket ti Ilocano Abel no sadino ditoy a naiburay kadagiti amin a nakipartisipar ti aktibad no ania ti Abel a maipagpanpannekel ditoy Ilocos Norte.
Inbatadna a ditoy a nailawlawag kadagiti nakipaset ti programa ti history, literature ken kasano a naaramid ti disensyo babaen ti mathematical symmetry pakairamanan ti pannakausar ken festival ti Abel.
Inlawlawagna a masansan pay a maus-usar ti Ilocano Abel nga aruaten dagiti indigenous peoples kadagiti nagduduma a naisangsangayan nga aktibidad ti probinsia.
Kunana a kangrunaan kadagiti mangitantandudu ti traditional practices, beliefs, climate change, innovations ket ti Ilocos Region, Cordillera Administrative Region, Central Luzon, Davao Region ken Southern Mindanao.
Naragsak nga inpakaammo ni Dr. Aquino a bumisbisitada kadagiti sumagmamano nga ili ditoy probinsia kas iti pannakaitandudu ti Damili ili ti San Nicolas, panagaramid ti tupid iti ili ti Sarrat ken ti basi iti ili ti Piddig.
Kabayatanna, nagatendar dagiti sumagmamano nga State, University and Colleges iti nasao a programa nga agpaot iti tallo nga aldaw.
