LAOAG CITY – Inbatad ni Sang Panlungsod member Bismark Quidang, chairman ti Committee on Education iti ciudad ti Batac nga immaliston ken pimmintasen ti serbisyo ti internet iti Brgy. Maipalig ken Qioum.
Inrakurak daytoy ni Quidang kabayatan ti deliberasyon ti konseho maipanggep iti educational plan ti DepEd iti nasao a ciudad.
Segun kenni Quidang, agtultuloy dagiti telecommunication companies nga agipatakder kadagiti cellsites tapno maaddaan ti siudad ti napinpintas a koneksyon ti internet.
Basar ti datos manipod iti City Building Office, manarimaanen ti pannakaipatakder ti cellsite iti Brgy. Nagbacalan, Rayuray ken Baay.
Naamoan nga adda pay ti naipresentar a proposal ti cellsite iti Brgy Quiling Norte.
Maipalagip a maysa a problema iti blended learning iti siudad ti Batac sipod nangrugi ti pandemya ket ti konseksyon ti internet para kadagiti online learners.
