LAOAG CITY – Inpakaammo ni Engr. Arjay Maligsa iti PLDT a plano da a kalyen ti manhole iti asideg ti Gilbert Bridge gapu ta nagaburan ti espalto.
Inlawlawag na a gagem ti nasao nga addang ket tapno mapadur-as ti internet ditoy probinsya.
Segun ken ni Maligsa, dua a manhole ti makali, maysa iti batog ti PR Bank ken ti maysa ket iti asideg ti arko ti nasao a rangtay.
Inbatad na a target da a rugyan ti mangkali kadagiti dua a manhole iti maikadwa a lawas iti daytoy a bolan ti mayo ken mabalin nga agpaot iti 10 agingga iti 15 nga aldaw.
Innayon na nga ipatungpal da daytoy iti rabii tapno saan a makaitunda ti nakaro a trapiko.
