LAOAG CITY – Naladingit nga inpadamag ni Jeraldine Blackman, sikat a personalidad iti online ti panagsinada iti asawana a ni Josh Blackman.
Iti Instagram post ni Jeraldine, inburayna ti naladingit a damag a nagsinadan iti asawana ngem agtultuloy ti panagpagayamda ken panagbayabay kadagiti annakda nga isuda Jette ken Nimo.
Naam-ammo dagiti netizens ti Blackman family kas maysa a family content a nakabase idiay Sydney, Australia ken nagbalin a nalatak iti internet gapu kadagiti makaparagsakda a content.
Bukbuklen daytoy ni Josh, maysa nga Australian daddy, Jeraldine, maysa a Filipina mommy ken ti dua nga annakda nga isuda Jette ken Nimo a bimmisita ditoy Pilipinas iti kallabes.
