LAOAG CITY – Ad-adda pay a paigetan ti INVest Office ti agbiruk kadagiti investors nga umay ditoy probinsia.
Segun ken ni Ms. Rona Leigh Bueno, mangidadaulo ti Ilocos Norte Investment Office, babaen kadagiti trade missions ken conference maipakaammo nga adu dagiti mabalin a pag-invest-an ditoy probinsia.
Malaksid iti daytoy, maipakaammo nga adda dagiti talentado nga Ilokano nga ad-adda pay a makatulong iti pannakapapintas dagiti negosio.
Inbatadna a kalikagumda nga agbalin a commercial hub of the Northern Philippines.
Innayonna a ti kangrunaan a programada ket mangitandudo ken mangasistir dagiti kalikagumna ti agpatakder ti negosio.
