LAOAG CITY – Gapu iti desision ti Fitch Ratings no sadinno nai-rate ti Pilipinas kas maysa kadagiti pangnamnamaan a pagilian tapno agpabulod ti kuarta ket mangipakpakita kadagiti agpuunan ket mamati no kasano a mangimaton ni Presidente Ferdinand R. Marcos Jr. iti ekonomia ti Pilipinas.
Segun ken ni Department of Finance Assistant Secretary Neil Cabiles, mabenepisiaran dagiti ordinario a Pilipino iti nagbalin a desision ti FITCH’s no sadinno nga inikkanna ti Pilipinas ti “BBB” credit rating nga addaan ti natibker nga outlook.
Ti rating a “BBB” a naited iti Pilipinas ket mangipasimudaag a dagiti namnamaen a default a narisgo ket agdama a nababa.
Naammoan a kayatna saoen daytoy ket ti Pilipinas ket manamnama a maaddaan ti napigsa a medium-term growth a sumupsuporta iti in-inot a panagkissay ti utang ti gobierno nga adda ti pakainaiganna iti gross domestic product daytoy.
Inbatad ni Cabiles a ti credit ratings ket napateg a mangipadanon ti kabaelan ti maysa a pagilian a masolbar dagiti maobligar a pinansial daytoy.
Naammoan a ti “BBB” rating ket nangikabil iti Pilipinas a natibker iti investment-grade category a mangipasimudaag ti napigsa a kapasidad ti pagilian a bayadan dagiti utang daytoy ken nababa ti peggad ti default.
