LAOAG CITY – Manarimaan ti pannakaestablisar ti water source development iti Barangay Balacad ditoy siudad ti Laoag.
Segun ken ni Ilocos Norte Water District General Manager John Teodoro, daytoy ket kas paset ti panagsagsagana ti probinsia para iti mapaspasangasangan a Palarong Pambansa inton bulan ti Mayo ita a tawen.
Inbatadna a daytoy a water source ket makaited ti sangapulo a litro a dumanon iti sangaribu a service connection.
Innayon ni Teodoro a daytoy ti maysa a wagas tapno pumigsa pay ti water pressure a marikna kadagiti nagduduma a barangay a masarakan iti abagatan ti karayan ditoy siudad ti Laoag.
Maipalagip nga immunan nga inrakurak ti Provincial Sports and Development Office a makikoordinarda iti Ilocos Norte Water District ken Bureau of Fire Protection gapu iti posible a panagkurang ti danum nga usaren dagiti delegasion iti Palarong Pambansa.
