LAOAG CITY – Inpasigurado ti Ilocos Norte Water District ti makaanay a suplay ti danum ita umas-asideg a panawen ti kalgaw.
Segun ken ni Mr. John Teodoro, General Manager ti Ilocos Norte Water District, nakasaganada ti posible a panagpukaw ti danum nangruna ditoy siudad ti Laoag.
Inbatadna nga adda ti source development pakairamanan ti transmission line ken power line a masarakan iti Barangay Balacad ditoy siudad.
Inlawlawagna a ti source development ket makatulong a mangsuplay ti danum iti south of the river.
Kunana nga isuda iti adayo gapu ta ti source ket manipud pay laeng iti Barangay 29 ken iti ili ti Bacarra.
Mainaig iti daytoy, inpakaammona a no adda ti maperdi iti Ilocos Norte Water District ket marikna nga insigida dagiti adda iti south of the river.
Naammoan a daytoy ti rason no apay a nangipasdekda ti source development iti Barangay ken para payen kadagiti agkalikagum nga agipatakder ti establishmento.
Kabayatanna, daytoy a source development ket dumanon iti 1000 service connection.
