LAOAG CITY – Awan pay ti panagkittid ti danom ditoy Ilocos Norte.
Daytoy ti inbatad ti General Manager iti Ilocos Norte Water District a ni Mr. John Teodoro kagiddan ti selebrasyon iti World Water Day.
Inpasingked ni Teodoro a kadagitoy paylaeng ket agsagsagana dan no bilang adda ti panagkisang ti suplay ti danom ditoy probinsya ita a summer season.
Kuna na a karaman kadagiti ar-aramiden da ket ti panangkomisyon da iti Ultra High Filtration Plant da iti ili ti Paoay.
Innayon na nga adda pay ti irubrubwat da para iti source development da iti ili ti Currimao ken Badoc.
Mainaig iti daytoy, inpakaammo ni Teodoro a madlaw da no agkittid dagiti pagal-alaan da ti danom ngem kadagitoy ket awan pay ti panagkisang na.
