LAOAG CITY – Gutgutigoten ti Ilocos Norte Youth Development Office dagiti amin a nagraduar iti kolehiyo nga ag-take iti Licesure Examination nga agaplikar iti Review and Examination Assistance Program wenno REAP iti gobierno probinsial.
Segun kenni Mr. Jake Sibat iti Ilocos Norte Youth Development Office, daytoy a programa ket dakkel a makatulong tapno malag-anan dagitoy iti panagsagaba da iti board exam.
Kunana a dagiti agkalikagom nga agaplikar iti programa ket magrugi iti October 9 agingga 10 iti oras ti alas-nuebe ti bigat agingga iti alas-kuatro ti malem
Inbatadna nga agturong laeng iti opisina ti Ilocos Norte Youth Development a masarakan iti Centennial Arena ditoy ciudad ti Laoag.
Mainaig iti daytoy, kunana a maidiaya daytoy kadagiti agtutubo nga ag-take iti board examna iti bulan ti Oktubre agingga iti Disyembre.
Maipalagip nga adda ti nakiddaw a pondo para iti Review and Examination Assistance Program tapno ad-ado pay ti mabenipisyaran.
