LAOAG CITY – Naragsak nga inpakaammo ti Ilocos Norte Youth Development Office a dakkel ti impact dagiti sirib youth leader iti probinsia.
Segun ken ni Mr. Randy Labasan iti Ilocos Norte Youth Development Office, babaen kadagiti programa da a pakipar-partisiparan dagiti agtutubo ket ad-ado dagiti mapanunot dagiti maseknan a programa ken proyekto para iti bukod da a komunidad.
Patien ni Labasan a dagiti experiensya da iti Sirib youth leadership ket adda dagiti maipatpatungpal da a programa iti bukod da a lugar, kas iti seminar, training, tree palnting, panangsalwad ti aglawlaw ken dadduma pay.
Innayonna a no adda dagiti proposal dagiti agtutubo ket saan da nga agdudua a mangiyasideg iti opisina da tapno maipaayan dagitoy ti tulong ken suporta a kasapulan da.
