LAOAG CITY – Inpakaamo ni Ms. Weenter Ventura iti Youth Development Officer 2 ti Ilocos Norte Youth Development Office ti programa da tapnon malappedan iti panagngato iti bilang dagiti agtutubo agpospositibo iti Human Immunodeficiency Virus.
Daytoy ket kalpasan nga adda naimaldit ti Department of Health a nangato a bilang kadagiti nagpositibo nga agtutubo ditoy probinsia .
Inbatad ni Ventura nga iti agdama ket addaan da iti youth development module no sadinno ditoy mapakaammuan dagiti agtutubo no kasano a taripatuen ti bagi.
Kunana nga babaen ti reproductive module ket ditoy a mabasa da dagati banag a rumbeng ken saan a rumbeng nga ubraen ti maysa nga agtutubo .
Innayonna pay nga addaan da iti self care work book no sadinno panggep iti libro ti mangipaay kadagiti wagas tapno mapagtalinaed iti healty living lifestyle .
