LAOAG CITY – Nakadepende iti kasapulan ti bagi ti maysa a tao ti rumbeng nga ipauneg nga inapoy.
Daytoy ti nagbalin a komento ni Miss Mary Grace Domingo, registered Nutritionist-Dietician II ditoy probinsya mainaig iti mailunglungalong nga half-cup rice laeng ti maiserbi kadagiti restaurant ken dadduma pay a panganan.
Segun ken ni Domingo, napintas daytoy nga addang tapno maliklikan dagiti non-communicable disease a maala iti panagkonsumo ti ado nga inapoy.
Inyarigna a no nakurang ti timbang ti maysa a tao ket saan a rumbeng a malimitaran iti half cup rice ti ipauneg na.
Innayon na a no kadagiti met restaurant ket napintas no adda ti pagpilyan dagiti customers no kasanu laeng ti kabaelan da a kanen tapno saan a masayang saan a maibus nga inapoy.
