LAOAG CITY – Kinumpirmaran ti gobienro probinsya a maysa ti pimmusay gapu iti covid-19 ken 44 ti baro a kaso
Ti pimmusay ket ni IN-C2529, agtawen ti 75 a lalaki ken residente iti Brgy. 20 San Jose iti ili ti Sarrat.
Kabayatanna, kaaduan kadagiti baro a kaso ket manipod iti ili ti Bacarra nga umabot iti 21.
Sumaruno ditoy ti ili ti Pasuquin ken Bangui a nakairekord ti sag-innem a kaso, lima iti ili ti San Nicolas dua iti Vintar idinto a saggaysa iti ili ti Burgos, Marcos, Pagudpud ken ditoy siudad ti Laoag.
Naamoan a kaaduan kadagiti nagpositibo ket nakapulapol dagiti immunan a kaso ti covid-19.
Iti agdama ket addan ti pakabuklan a 2,588 covid-19 cases ditoy probinsya idinto a 2,098 ti bilang dagiti nakarekobre ken 31 ti death case a pakairamanan ti kaudian a pimmusay iti ili ti Sarrat.
