LAOAG CITY –Nagballaag ni retired Ge. Jack Keane a possible nga adadda nga agbalin nga agresibo ti Iran kadagiti umay nga aldaw iti iseserrek ti baro manen a tension ti panagatake.
Segun ken ni Keane, mabalin a pampanunoten ti Tehran nga agkedked ni US Pres.Donald Trump a mangirugi iti military action sakbay ti iyaasideg ti midterm elections iti Estados Unidos.
Impanagetget ti dati a heneral a nagbiddut manen ti Iran gapu ta umdas ken nakasagana ti militar ti Amerika iti rehion a tapno mangiwayat ti sabali a panagatake no agdesision ti presidente.
Ti pakdaar ket kalpasan nga indeklarar ni Trump nga addaan ti US iti “total control” iti Strait of Hormuz bayat nga agtalinaed nga awan ti katulagan ti dua a pagilian iti pananglukat iti kritikal a shipping lane.
Kabayatanna, kinuna ti maysa nga Iranian source nga awan ti mapaspasamak a negosasion tapno mapaatiddog ti katulagan ti Hunio bayat nga umas-asideg ti deadline inton Agosto 17.
