LAOAG CITY – Inbatad ti Iran Revolutionary Guard a saanda a lukatan ti Strait of Hormuz agingga nga agtungpal ti Estados Unidos kadagiti amin a kondision ti Tehran a pakairamanan ti bayad kadagiti amin a nadadael gapu iti rinnupak.
Nangipatungpal ti Iran ti blockade iti strait manipud nangiyuswat ti panagatake ti Estados Unidos ken Israel no sadinno a kayatda ti agpabayad ti tolls para kadagiti dumalyasat iti nasao a ruta.
Segun ken ni Iranian Foreign Minister Abbas Araghchi a dandani da malpasen ti diskusion ti Oman para iti pannakamanehar ken panagdalyasat dagiti barko iti Strait ngem kunana a ti panaglukat ti Hormuz ket adda ti sabali pay a kondision ken bayadan dagiti naglabsing.
Naglikudan na pay ti inrakurak ti Estados Unidos a negosasion gapu ta kunana a manmano laeng ti gundaway nga agsarita ti dua a pagilian.
