LAOAG CITY – Inbasura ti Iran ti panawagan manipod iti United Kingdom ken dadduma a Western countries a saan nga agibales kontra iti Israel gapu iti pannakatay ni Hamas leader Ismail Haniyeh iti Tehran iti napalabas a bolan.
Immuna iti daytoy, ginutigot ni United Kingdom Prime Minister Keir Starmer ni Iranian President Masoud Pezeshkian nga isardeng ti pagilian da ti agtultuloy a panagipangpangta ti military attack.
Inaramid daytoy ni Stamer bayat ti panagsarita da ken President Pezeshkian iti telepono.
Inpetteng ni Pezeshkian a ti panagibales da ket wagas tapno maisardeng ti krimen ken ti addang da ket ibilang na kas “legal right” ti Iran.
Kabayatanna, iti baet nga awan ti nadakdakamat ti Israel a karaman iti Haniyeh’s assassination ket inkabil na ti tropa da iti highest alert level.
