LAOAG CITY – Kalikagum ti Iran ti panangkontrol kadagiti dumaldalyasat a barko iti babaen ti Strait of Hormuz ken pannakakita iti garaw ti trapiko, nga addaan iti abilidad a bumallaet no kasapulan, iti babaen ti temporario a plano a mapagsasaritaan iti Oman a gagemna a malukatan manen strategic waterway.
Basar kadagiti otoridad, daytoy ket paset laeng ti sapasap nga ideya nga agdama a mapagsasaritaan, ken ti outbound lane a mabalin a sumurot iti maysa a ruta iti nagbaetan ti Iran ken Oman, nga addaan iti exit clearance nga ipaay ti Oman kalpasan ti panangipakaammona iti Iran.
Iti napalabas a bulan, saan nga immanamong ti Iran iti Omaniproposal para iti agpapada a pannakabingaybingay dagiti ruta ti transit iti nagbaetan ti dua a pagilian, a kinuna ni Tehran a napaay daytoy a mangsolbar iti pakaseknan ti seguridad agingga a magun-od ti napaut a regional stability.
