LAOAG CITY – Nagballaag ti Revolutionary Guard ti Iran ti Israel a pagsungbatenda gapu iti napasamak a nagsasaruno a panagbettak ti pager ken 2-way radio.
Nupay saan nga inadmitir ti Israel ti nasao a panangraut ket dakkel ti pammati dagiti Hezbollah a ti Israel ti adda iti likudan ti nasao a riribok.
Inawagan met ti United Nations ti napasamak a panangraut idiay Lebanon a maysa a panaglabsing iti karebbengan ti tao tapno mabiag.
Kabayatanna, kuna ni United States Secretary of State Antony Blinken a nasken a maaddaan ti ceasefire iti Israel ken Hamas tapno awanen ti sibilian ti mairaman.
