LAOAG CITY – Nagun-od ni Irha Mel Alfeche ti Matanao, Davao del Sur ti Miss Philippines Earth crown iti naisayangkat a seremonya idiay Bukidnon.
Inyakar ni Yllana Marie Aduana ti korona ken ni Alfeche kas paset ti customary procedure.
Karaman pay iti event da 2023 Miss Earth Drita Ziri manipod idiay Albania, Miss Earth-Water Do Thi Lan Ahn manipod idiay Vietnam ken Miss Earth-Fire Cora Bliault manipod idiay Thailand.
Nadakamat a dimmanon iti international competition ni Aduana no sadino nagun-odna ti Miss Earth-Air.
Inabak met ti baro a reyna dagiti 28 a dadduma pay nga aspirants iti maudi a kompetision.
Ibagian ni Alfeche ti Pilipinas iti 24th Miss Earth pageant a maiyuswat idiay Vietnam iti maudi a paset ita a tawen ken padasenna a gun-oden ti maikalima a Pinay a makaiyawid iti international title.
Ti Pilipinas ti umun-una a pagilian iti Miss Earth pageant nga adda ti uppat a nangabak nga isuda Karla Henry idi 2008, Jamie Herrell idi 2014, Angelia Ong idi 2015 ken Karen Ibasco idi 2017.
Ti Miss Philippines Earth ken Miss Earth pageants ket inestablisar ti Manila-based Carousel Productions tapno agserbi a plataporma para iti environmental awareness.
