LAOAG CITY – Inbatad ni Doctor Elizer Asuncion, ti mangidadaulo iti Laoag City General Hospital (LCGH) ditoy ciudad ti Laoag a saan da pay a naadal a naimbag ti Implementing Rules and Regulations (IRR) ti Universal Health Care Law.
Inadmitir ni Asuncion a marigatan a mangsurot dagiti empleado ti LCGH iti IRR.
Gapu iti daytoy, kuna na a kasapulan nga adda ti mangilawlawag a naimbag wenno maisayangkat a seminar a pagdalanan dagiti empleado ti LCGH maipanggep iti daytoy.
Kabayatanna, inlawlawag ni Asuncion nga awan pay ti inpatulod ti gobierno national a pormal nga IRR ti Universal Health Care law kadagiti LGUs.
Nupay kasta, kuna na a ti dakdakamaten na nga IRR ket dagiti laeng nares-research da.
