LAOAG CITY – Maisagsaganan dagiti irrigation canal ken small farm reservoir ditoy probinsia babaen ti Provincial Agriculture Office.
Segun ken ni Engr. Tere Bacnat, mangidadaulo iti nasao nga opisina, dua a backhoe dagiti manarimaan a maus-usar tapno malukatan dagitoy a dalan ti danum a mapan kadagiti kataltalonan.
Inbatadna a tunggal mangrugi ti panagtutudo ket mangrugi metten dagiti mannalon nga agmula isu a kasapulan a maurnos dagitoy.
Innayonna nga adda dagiti nagkiddawen ti certified seeds manipud kadagiti registered farmers ditoy probinsia.
