LAOAG CITY – Napili da Trae Young ti Atlanta Hawks ken Kyrie Irving ti Dallas Mavericks tapno sumukat ken ni Giannis Antetokounmpo ken Anthony Davis iti NBA All-Star Game.
Naammoan a da Davis ken Antetokounmpo ket nagsagaba ti injury rason a saanda a makaay-ayam ti sumagmamano a lawas.
Napili a line-up ni Young iti ‘Team Chuck’ ni Charles Barkley idinto a ni Irving ket sukatanna ni Davis iti “Team Shaq” ni Shaquielle O’Neal.
Daytoyen ti maikapat nga All-Star Game ni Young no sadinno addaan daytoy ti average a 23.5 points ken 11.4 assists iti kada ay-ayam idinto a ni Irving ket addaan ti average a 24.1 points iti kada ay-ayam.
Maisayangkat ti All-Star Games iti Chase Center idiay San Francisco inton Pebrero 16.
