LAOAG CITY – Manamnama nga umawat dagiti 2,553 nga agturpos iti Mariano Marcos State University iti siudad ti batac ti diploma intono rabii.
Maysa kadagiti agturpos ket ni Aira Jerrilie Acdan, iti Brgy Callaguip iti ciudad Batac, kas cum laude iti kurso na a Business Accountancy.
Ni Aira ket pinagbasa ti Philippine National Police Academy Alumni (PNPA) Ilocos Norte Chapter babaen ti scholarship program da.
Segun kenni P/Insp. Fredwyn Sernio, ipanpannakkel ti sibubukel a PNPA ti panagturpos ni Aira kas cum laude iti nasao nga kurso.
Kuna na a nagaplikar ni Aira idi tawen 2014 ken nakapasa kadagiti requirements tapno maipaayan ti scholarship nprogram inggana nga agtorpos.
Innayon na a naited amin kenkuana dagiti supporta kas iti allowance nga usaren na para kadagiti kasapulan na iti panagadal na.
Kabayatn na, napalaos ti ragsak ni Mrs. Lorna Acdan, ina ni Aira, gapu iti panagturpos ti anak na iti kolehiyo kas cum laude.
Kuna na a maymaysa a nangisakad ti panagbiag da gapu ta pimmanaw ti asawa na idi tawen 2010 rason nga inkarigatan na met ti nagsapul ti trabaho kas janitor iti Bangko Sentral ng Pilipinas (BSP) Batac Branch
Nagyaman ni Mrs. Acdan iti namarsua gapu iti parabur nga inpaay na iti pamilya da
Naamnuan a kalikagum ni Mrs. Acdan a makapagtrabaho kuma ti anak na iti bangko a pagpapaayan na tapno ad-adda a makatulong iti kabsat na a lalaki a sumrek met iti kolehiyo..
