LAOAG CITY – Inbilin ti Israeli military nga agusar ti “full force” wenno sibubukel a pwersa kontra iti Lebanon no maikabil iti risgo dagiti tropa da iti baet ti maipatpatungpal a ceasefire.
Segun ken ni Defense Minister Israel Katz, inbilin na kadwa na ni Prime Minister Benjamin Netanyahu iti Israeli Defense Forces nga ipatungpal ti sibubukel a pwersa, karaman dagiti adda iti ground ken air forces, tapno maprotehiran dagiti soldad da nga adda idiay Lebanon manipod iti aniaman a pangta.
Naimandar pay iti Israeli military a pukawen ti aniaman a “booby-trapped” structure ken kalsada, ken dagiti mangikabil iti peggad kadagiti soldado da.
Malaksid kadagitoy, naibilin pay iti army nga ikkaten dagiti balat ti asideg ti border nga agserserbi nga outposts ti Hezbollah ken pangta iti komunidad ti Israelis.
