LAOAG CITY – Kalikagum ni Mr. Ilan Fluss Israel Ambassador a patibkerenda ti relasion ti Israel ken Pilipinas.
Segun kenkuana, naiget ti ipapaayda a suporta iti Pilipinas maipapan kadagiti developments projects.
Inbatadna nga idi nalpas ti iduduprak ti Bagyo Egay ditoy pagilian ket naruay dagiti relief assistance ti inpaayda kas ti pannakaited kadagiti ramit a mausar iti pannakapatarimaan dagiti nadadael a pagtaengan dagiti biktima ti nasao a bagyo.
Kunana nga adda ti 25 a bilang dagiti nagbalin a benepisiario ditoy siudad ti Laoag iti Turn Over Activity Shelter Repair Kits for Communities Damaged by Typhoon Egay for Ilocos Region.
Kabayatanna, naammoan a naragsak nga inawat dagiti maseknan a benipisiario nga isuda Mrs. Angelita Torigosa a residente ti Brgy. Dibua South ken Mrs. Myrna Dela Cruz nga agnanaed iti Brgy. Caoacan dagiti naited a shelter assistance a dakkel a tulong para kadakuada daytoy.
