LAOAG CITY – Nagpatnag a nangisayangkat ti Israel Defence Forces (IDF) ti panagraot iti amianan ti Gaza babaen ti panagusar da kadagiti tangke.
Immunan nga inbatad ti Israel a saan da pay nga ipatungpal ti ground offensive iti Gaza.
Nupay kasta, inpasigurado ti Israel a ti iyuswat da a panagraot iti amianan ti Gaza ket paset iti panagsagsagana da para iti sumaruno nga stages ti pannakigubat ti pagilyan kontra iti Hamas.
Inpasigurado ti Israel a ti immunan nga inyuswat da a panagraot a nagpaot iti sumagmamano nga oras iti Gaza ket nakaparmekan ti ado a terorista ngem awan dagiti nasugatan nga Israelis.
Mainaig iti daytoy, kinumpirmaran ti health ministry nga ipatpataray ti Hamas nga umaboten iti 7 ribo a tattao ti natay sipud rinugyan ti Israel ti nangipabanto kadagiti air strikes iti Gaza.
