LAOAG CITY – Dinoble ti Israel ti airstrike da idiay Lebanon.
Segun iti Israel Defence Forces natamaan da ti nasurok a 1,100 a target iti babaen laeng ti nasurok a 1,400 a missile ken armas iti abagatan ken daya a paset ti Lebanon.
Babaen ti panangusar kadagiti drone ken eroplano a pakigubat, nangisayangkat ti Israel iti 650 a panangraut.
Nadungparda pay dagiti pasdek, naruay a luglugan ken nagduduma a pangopisinaan idiay Lebanon.
Nagpannawagan metten dagiti sumagmamano a pagilyan iti United Nations a mangaramid kadagiti addang tapno makissayan ti riribuk idiay Lebanon.
Iti agdama ket umaboten iti nakurang 400 a casualties isiay Lebanon ti naiorekord.
Kinondenar met ti grupo a “Save the Children” ti umad-adu nga ubbing a matmatay gapu iti panangraut ti eroplano ti Israel.
Nu pay kasta, impasigurado ni United States President Joe Biden nga adda dagiti wagas na tapno naan-anay a mapalag-anan ti tension iti nagbaetan ti Israel ken Lebanon.
Inlawlawag ni Israeli Prime Minister Benjamin Netanyahu a saanda a pinuntiria dagiti umili ti Lebanon no di ket ti Hezbollah.
Kunana a masapul a malawlawaga dagiti umili idiay Lebanon a araramaten laeng isuada ti Hezbollah tapno agbalin a human shield.
