LAOAG CITY – Inadmitir ti Israel ti napasamak nga air strike idiay Beirut Lebanon.
Basar iti Israel, target-da ti Hezbollah Commander nga isu ti adda iti likudan ti Majdal Shams attacks iti napalabas a Sabado.
Nagusar ti Israel Defense Forces ti drone a nangiparuk-at ti tallo a missiles.
Ibilang ti Israel a maysa a panangsubbot ti inaramidda.
Immunan a nagballaag ni Hezbollah Chief Hassan Nasrallah a no bilang rauten ti Israel ti capital a Beirut ket saanda nga agpangadua a rauten met iti Tel Aviv.
Mainaig iti daytoy, nagballaag met ti White House a ti panangsubbot ti Israel ket saan nga agleppas iti nasao a rinnupak iti lugar.
Kinondinar met ti Iran ti nasao nga insidente no sadinno mangitunda daytoy ti nakarkaro a riribuk.
