LAOAG CITY – Inbilin ti Israel iti rinibo pay a residente iti ciudad ti Rafah a pumanaw dan iti lugar gapu iti agsasarunon nga iraraot ti Hamas iti Gaza.
Napasamak daytoy kalpasan nga ad-adda pay a pinaigetan ti Israel Defense Forces (IDF) ti operasyon da iti southern city, no sadinno a nasurok a maysa a milyon a refugees ti agnanaed iti nadakamat a lugar.
Napasamak ti panangimandar ti Israel ti ipapanaw dagiti rinibo pay a residente iti ciudad ti Rafah, sumagmamano nga oras kalpasan nga inrakurak ti Estados Unidos a mabalin a nalabsing ti Israel ti international Law gapu iti panangusar da kadagiti inted da nga armas iti Gaza.
Immunan a nagballaag ni President Joe Biden nga isardeng ti Estados Unidos ti agsuplay kadagiti armas no mangipatungpal ti Israel ti major ground operation iti Rafah.
Nupay kasta, insungbat ni Israeli Prime Minister Benjamin Netanyahu a kabaelan ti pagilyan da ti tumakder a bukbukod na ken lumaban babaen kadagiti bukod da nga armas no ipatungpal ti Estados Unidos ti pangtana.
