LAOAG CITY – Inikkat ti Israel dagiti diplomats na idiay Turkey kalpasan nga inakusaran ni President Recep Tayyip Erdogan a “war criminal”.
Inrakurak ni Erdogan ti komento na kabayatan ti pannakisango na kadagiti rinibo a demonstrador iti pro-Palestinian rally idiay Istanbul.
Gapu iti daytoy, inbilin ni Israeli Foreign Minister Eli Cohen ti panagsubli aminen Israel dagiti diplomats da manipod iti Turkey.
Immunan nga inpaganetget ni Prime Minister Benjamin Netanyahu a ti Israel ti ayan ti “most moral army” iti intero a lubong.
Inaramid daytoy ni Netanyahu kalpasan ti panangirakurak na a ti ground operation iti Gaza ket namarkaan kas maikadwa nga stage a maibagbaga a maysa nga atiddog ken narigat a gubat iti Hamas.
Iti panagsarita ni Netanyahu iti televised address, kinumpirmaran na a dagiti kumander ti Israeli ket nakadeploy iti intero a Gaza Strip kabayatan ti agtultuloy a panagbomba da iti lugar.
Nagitennag da pay kadagiti leaflet iti Gaza City a mangbalballaag kadagiti residente a ti lugar ket maysan a “battlefield” ken masapol a pumanaw dan ken agturong da iti laud a paset ti Gaza.
Naamoan a gapu iti kumarkaro a gubat iti Gaza ket napukaw payen ti linya ti komunikasyon isut gapuna a saanen a macontact dagiti sibiliyan iti lugar.
Maipalagip nga inrakruk ti Hamas-run health ministry iti Gaza nasuruken a 7,500 a Palestinians ti natay sipud nangiptungpal ti Israel kadagiti retaliatory strikes.
