LAOAG CITY – Inrakurak ti Israel ti panangipalubos na a makastrek ti limitado a bilang ti kangrunaan nga assistance karaman ti taraon iti Gaza.
Daytoy ket tapno masigurado a saan a mapasamak ti krisis ti panagbisin iti nasao a teritoryo.
Natuldukan metten ti 10 a lawas a panangsaed ti pwersa ti Israel kadagiti tulong a maikabil iti Gaza.
Iti maysa nga statement manipod iti opisina ni Prime Minister Benjamin Netanyahu, inaramid da ti nasao nga addang kalpasan ti rekomendasyon ti Israeli Defense Forces (IDF) ken inbasar da iti kasapulan a panangsuporta iti baro a military offensive kontra iti Hamas nga inawagan da nga Operation Gideon’s Chariot.
Inpetteng ti Israel nga agtignay da tapno malapdan ti Hamas a mangkontrol ti panagibunong ti humanitarian assistance.
