LAOAG CITY – Pormalen nga inmmanamong ti Israel ken Hamas iti ceasefire iti las-od ti 15 a bulan a rinupak.
Ti katulagan ket nabayagen nga itantadudo ti United Nations, nangruna dagiti lider iti Qatar, Egypt ken Estados Unidos.
Inyanunsyo ni Qatar Prime Minister, Sheikh Mohammed bin Abdulrahman Al Thani, a maibilang ti addang kas nasayaat a panangrugi ti tawen.
Mainiag iti daytoy, manamnama nga isubli ti Israel ti katulagan iti gobierno da para iti naan-anay a pannaka-aprobar.
Saan met a mailimed ni US President Joe Biden ti ragsak na apaman ti panangkumpirmar na nga umanamongen ti Isarael ken Hamas iti ceasefire deal.
Kabayatanna, manamnma ti pannakawaya-waya dagiti amin a balud a mangrugi inton Enero 19.
Maipalagip nga idi Oktubre 7, 2023, inatake ti Hamas ti southern Israel a nakatayan ti agarup 1,200 a tattao agingga nanayunan dagiti bilang ti pimmusay gapu iti awan sarday a rinupak ti dua a dasig.
