LAOAG CITY – Kinumpirmaran ti maysa nga opisial ti Estados Unidos mannarimaanen ti pannaka-ipinal ti ceasefire deal gapu ta iti kabiitan a panawen ket manamnaman ti panagsungbat ti Israel ken Hamas seknan iti daytoy.
Segun iti White House, awan pay ti panagsardeng dagiti maseknan nga opisyal ti Israel ken Hamas kadwa da dagiti mediators tapno ilippas ti maudi a nga elemento ti katulagan.
Tinalantan pay ti kada-partido ti final draft ti nasao a ceasefire deal.
Innayon ti White House a mabalin a sumagmamano nga aldaw sakbay nga agngudo ti termino ni US President Joe Biden ket mai-anunsiyo ti katulagan ti dua a partido.
Mainaiag iti daytoy, kadwa ti Estados Unidos ti Qatar ken Egypt a nagserbi kas mediator tapno itandudo ti kinatalna ken pannakawaya-waya dagiti balud.
Maipalagip nga iti naudi a panagsarita da US President Joe Biden ken Israeli Prime Minister Benjamin Netanyahu ket nagresulta ti panagannamong ti Israel iti ceasefire deal.
