LAOAG CITY – Nagpirman ti Israel ken Lebanon iti framework agreement idiay Washington, D.C., kalpasan ti adu nga aldaw a negosasion tapno agsardeng ti rinnupak iti Israel ken ti grupo ti Hezbollah.
Ti trilateral a dokumento ket pinirmaan ni Lebanese Ambassador Nada Moawad ken ti kaduana nga Israeli a ni Yechiel Leiter, agraman ti pannakabagi ti Estados Unidos iti State Department.
Inbatad ni Israeli Prime Minister Benjamin Netanyahu a ti katulagan ket mangipalubos kadagiti puersa ti Israel nga agtultuloy a mangsakup iti abagatan a Lebanon no mapaay ti Hezbollah a mangdisarma.
Iti maysa a rakurak, kinuna ni US Secretary of State Marco Rubio a tumulong ti US a mangipatungpal iti katulagan iti babaen ti Trilateral Military Coordination Group para iti Lebanon. Mangipaay met ti US kadagiti rekurso, agraman ti dagus a $100 milion a humanitarian assistance a makitinnulong iti United Nations (UN).
Kabayatanna, inawagan ni Lebanese Amb. Moawad a ti katulagan ket umuna a napateg nga addang nga agturong iti pannakaisubli ti kinasoberano ti Lebanon.
