LAOAG CITY – Nagballaag ti Israel nga isardeng da ti ceasefire iti Gaza no saan a wayawayaan ti Hamas dagiti nabatbati pay nga hostages da agingga intono Sabado, Pebrero 15, 2025.
Immuna iti daytoy, kinataripnong ni Israeli Prime Minister Benjamin Netanyahu ti security cabinet na kalpasan nga intantan ti Hamas ti panangwaya-waya da kadagiti hostages da.
Mainaig iti daytoy, ipetpetteng ti Hamas a linabsing ti Israel ti naipalaon a pagannurutan iti three-week-old ceasefire deal.
Kabayatanna, inlungalong ni US President Donald Trump iti Israel a kanselaren dan ti ceasefire agreement ken agbalin nga impiyerno ti pagkutkutaan dagiti Hamas no agtalinaed ti takder da a saanda a wayawayaan dagiti nabatbati pay nga hostages da.
