Inpalgak ti Israel ti naisingasing a baro a katulagan da iti Hamas para iti prisoner swap ken ceasefire iti Gaza strip.
Daytoy ket kalpasan a napagnunumuan ti gabinete ti seguridad ti Israel tapno rugianda ti baro nga addang para iti pannakawayawaya dagiti hostage idiay Gaza.
Indatag Israeli negotiators ken ni Prime Minister Benjamin Netanyahu pakairaman dagiti gabinete ti baro a plano a maipresentar iti Hamas babaen kadagiti mediators.
Saan pay nga opisial a naipakaammo ti baro nga addang ngem, ngfem immunan a naipakaammo nga iti sidong daytoy ket kalikaguman ti Israel a waya-wayaan ti Hamas ti nasurok a 20 nga Israeli nationals a hostage.
Ngem mabalin a saan a karaman iti saritaan ti pannakawaya-waya dagiti 40 a hostage a kiniddaw ti Israel kadagiti napalabas a lawas.
Adda pay posibilidad a ti naisingasing a katulagan ket iramanna pay ti sumagmamano a lawas a panagsardeng ti panagpaputok iti Gaza strip ken ti panagatras dagiti puersa ti Israel manipud iti Gaza bayat ti panagsardeng ti rinnanget.
Kas kasukatna, saan pay a naikeddeng ti eksakto a bilang dagiti balud a Palestinian a mawaya-wayaan manipud iti dasig ti Israel.
Immuna iti daytoy, mapatta-patta nga adda nasurok a 130 nga Israeli a hostages ti Hamas idiay Gaza bayat a nasurok a 9,100 a Palestinian ti naibalud kadagiti pagbaludan ti Israel.
