LAOAG CITY – Nangiwayat ti Israel ti airstrike idiay Syria, nangruna iti ciudad ti Damascus.
Segun iti UK-based Syrian Observatory for Human Rights (SOHR) umabot iti nasurok sangagasut nga airstrike ti timmama kadagiti pagaramidan ti armas iti nasao a pagilyan.
Kuna ti Israel defense a kalikagomda a pasardengen ti produksyon ti armas kalpasan ti panangagaw ti rebelde a grupo ti akem ni Syrian President Bashar al-Assad.
Kagiddan iti daytoy, napagsasaritaan iti United Nation Secuirty Council ti stwasyon ti nasao a pagilyan apaman ti downfall ni President Bashar al-Assad.
Kabayatanna, inlawlawag ti United Nations chemical watchdog nga Organization for the Prohibition of Chemical Weapons (OPCW), a ti chemical weapon ket maysa a kita ti kemikal nga ususaren dagiti rebelled a grupo tapno makapanuruay ti toxic properties a mangitunda ti insigida nga ipapatay dagiti tattao a makalang-ab wenno matamaan iti kemikal.
