LAOAG CITY – Nagbubutos ti parlamento ti Israel a mangipasa iti lehislasion a mangipawil iti United Nations Palestinian refugee agency (Unrwa) nga agoperar iti uneg ti Israel apaman a sinakup ti Israel ti East Jerusalem, iti uneg ti tallo a bulan.
Malaksid iti daytoy ket maiparit pay ti pannakilangen dagiti empleado ti United Nations Palestinian refugee agency kadagiti opisial ti Israel, tapno malimitaran ti abilidad ti ahensia nga agoperar idiay Gaza ken ti Israeli-occupied West Bank.
Ti panagtitinnulong ti militar ti Israel a mangkonkontrol kadagiti amin a panagballasiw iti Gaza ket nasken para iti pabnangipatulod ti United Nations Palestinian refugee agency iti tulong iti teritorio a nadadael gapu iti gubat.
Gapu iti daytoy ket manamnama a maikkat ti legal immunity dagiti empleado ti United Nations Palestinian refugee agency iti uneg ti Israel, ken maiserra ti headquarter ti ahensia idiay East Jerusalem.
Maipalagip nga immunan nga inyebkas dagiti sumagmamano a pagilian, agraman ti Estados Unidos, United Kingdom ken Germany, ti nakaro a pannakaseknanda maipapan iti pannakisardeng ti rinupak.
