LAOAG CITY – Pinalubosan ti militar ti Israel dagiti aid truck a sumrek ken maaddaan ti access iti Gaza.
Nupay kasta, inlawlawag ti Israel nga adda dagiti sumagmamano a restriksion da kadagiti trak ti humanitarian aid a sumrek iti Gaza.
Agtalinaed a maiparit a sumrek iti Gaza ti United Nations Relief and Works Agency (UNRWA) para kadagiti refugee ti Palestine.
Umabot met iti 6,000 nga aid trucks ti nakapuesto iti sabali a bangir ti border ti Gaza.
Malagip a namin-anon a daras nga inawagan ti United Nations a mapalubosan a nawaya nga aggaraw dagiti trak nga agaw-awit iti taraon ken agas para kadagiti biktima idiay Gaza.
